يوتيوبر مشهور يسخر من التونيسار في طائرة ( فيديو )
" جوش كاهيل " يوتوبر لاهي بالطيارات و المطارات و يرصد الخدمات المقدمة و معروف برشة ، هبط البارح فيديو على زيارتو لمطار قرطاج .. و انتوما تخيّلو وحدكم الباقي 😓
السيد دخل لجناح الامتياز الي مخصص لرجال الاعمال والشخصيات الهامة والناس الي عندها الفلوس ، اول حاجة ما لقى حتى خدام او موظف في الجناح و ما فمة حتى حاجة ينجم ياكلها او يشربها ، و فوق من هذا الوسخ فوق الطواول و بقايا الماكلة ماهيش مهزوزة عندها سوايع .. و زيد اوراق ادارية مبعثرة partout في انعكاس لنظافة الخدامة غادي ..
امبعد Josh Cahill طلع في جناح الاعمال المعروف بال BUSINESS CLASS في طيارة تونيسار A330 ، عاد في الماكلة جابولو كعبة كايك متاع 300 فرنك وكعبة ياغروت à boire !!! تصوّروا ههههههههههههههههه
براف .. السيد عدّى فيديو يفرّك فيهم على مطار قرطاج و تونيسار 🥴 و في الفيديو تعليقات من مختلف دول العالم كلها تفرك فيها على مطار قرطاج 💔
نداء لعملة المطار و التونيسار ( الي منهم صوحابي ) : إلى متى باش يتواصل هذا الوضع و الإستهتار و هذا السقوط إلى القاع ... الى متى الاهانة في حق بلادكم ؟؟؟ عيب والله
ينجم يكون هالشخص يبالغ مثلا والا زاد فيه بالتنبير ، رغملي في الفيديو كل شي واضح ، اما اكيد كان ما خليتوش رواحكم هكة حد ما يتجرّأ عليكم .. حرام والله .. الواحد مات بالحشمة على الحالة الي ولاو يغزرولنا بيها ..
الفيديو :
 " جوش كاهيل " يوتوبر لاهي بالطيارات و المطارات و يرصد الخدمات المقدمة …){kind=link}
تعليقات
إرسال تعليق